Ал смогдун калктын ден соолугуна тийгизген таасирин баалоону кыйындаткан так изилдөөлөрдүн жоктугун белгиледи, анткени деталдуу эсептөөлөрдү жүргүзүү өтө кыйын.
«Анткен менен, биз дем алуу системасынын ооруларынын көрүнүктүү өсүшүн байкап жатабыз. Жаштар арасында аллергиялык риниттин көбөйүшү, абанын сапатынын начарлашы менен байланыштуу, бизди өтө тынчсыздандырат», — деп баса белгиледи Касымбеков.
Депутат Нилуфар Алимжанова да смогдун жана абанын булганышынын адамдардын ден соолугуна тийгизген кесепеттерин тереңирээк талдоо жүргүзүү зарылдыгын билдирди. Ал учурдагы отчеттордо смогдун ден соолукка тийгизген таасирине жетиштүү көңүл бурулбай жатканын белгилеп, балдар жана кары адамдар арасында астма жана аллергиялык реакциялар сыяктуу оорулардын өсүшү боюнча статистиканы айтты.
Алимжанова маселени талкуулоо негизинен Бишкек жана Ош шаарларында топтолгонун, көмүрдү активдүү колдонгон, газификациянын дээрлик жоктугу байкалган аймактардагы абалга көңүл бурууга чакырды.
