Кыргыз Республикасынын мамлекеттик кызмат жана жергиликтүү өз алдынча башкаруу боюнча мамлекеттик агенттиги мамлекеттик жана муниципалдык кызматтардагы жаш административдик кызмат орундарын түзүү үчүн кадр резервин түзүү конкурсуна жарыялады. Конкурсту өткөрүүнүн негизги максаты - заманбап санариптик көндүмдөргө ээ болгон жаш жана билимдүү адистерди мамлекеттик жана муниципалдык органдарда иштөөгө тартуу, ошондой эле тандоо процессинин ачык жана адилеттүү болушун камсыздоо.
Жаңы ыкманын артыкчылыктары
Тандоо процесси «E-Kyzmat» порталында электрондук форматта жүргүзүлөт.
Бул система төмөнкүлөрдү камсыз кылат: талапкерлердин убактысын үнөмдөө; ар бир мекемеге жеке баруунун зарылдыгын жокко чыгаруу; кошумча чыгымдарды азайтуу; ошондой эле бирдиктүү жана ачык тандоо тартибин камсыз кылуу.
Талапкерлерди баалоонун рейтингдик системасы жыйналган баллдарга негизделет, бул эң мыкты натыйжаларды көрсөткөндөргө артыкчылык берет. Мындай ыкма коррупциялык тобокелдиктерди азайтууга жана меритократия принциптерин бекемдөөгө көмөктөшөт.
Конкурстун этаптары:
- Документтерди кабыл алуу
- Нормативдик укуктук актылар боюнча компьютердик тестирлөө
- Онлайн же офлайн форматында интервью.
Бардык этаптардан ийгиликтүү өткөн талапкерлер үч жылдык мөөнөт менен кадр резервине кабыл алынат.
Мамлекеттик жарандык кызматка талапкерлерге коюлган талаптар:
- Кыргыз Республикасынын жарандыгы;
- 21 жаштан жогору;
- жогорку билимдин болушу;
- кыргыз тилин орто деңгээлде билүү;
- санариптик көндүмдөрдүн болушу.
Муниципалдык кызмат үчүн талаптар:
- 18 жаштан жогору;
- жогорку же орто кесиптик билимдин болушу;
- кыргыз тилин орто деңгээлде билүү;
- санариптик көндүмдөрдүн болушу.
Документтерди кабыл алуу 2-марттан 6-мартка (кошуп алганда) чейин жүргүзүлөт.
Кененирээк маалыматты www.gov.kg сайтынан «Вакансии» бөлүмүнөн жана мамлекеттик «E-Kyzmat» порталынан табууга болот.
Байланыш телефондору: 0 (312) 62 04 12, 0 (312) 66 03 37.
