Процессти министр Маратбек Машиев жетектеген ведомстволор аралык комиссия координациялап жатат. Министрлер кабинети тарабынан бекитилген бул комиссиянын жаңы курамына 25 министрлик жана ведомствонун өкүлдөрү, ошондой эле Жогорку Кеңештин депутаттары кирди. Бул экология тармагында сектор аралык өз ара аракеттенүүнү жана координацияны кыйла жакшыртты.
Эң маанилүү жетишкендиктердин бири — жарандар үчүн газификациянын жеткиликтүүлүгүн жакшыртуу болду. Өкмөттүн буйругуна ылайык, калкка 150 миң сомго чейин газификация үчүн 3% жылдык пайыз менен жеңилдетилген кредиттер сунушталууда (мурунку ставка 8% болгон). Натыйжада, Бишкекте 51 миңден ашык үй-бүлө газга туташтырылды, бул көмүрдү 100 миң тоннадай азайтууга мүмкүндүк берди.
Жарандардын ден соолугун коргоо үчүн Чүй облусунда жана Бишкекте 0–13 миллиметр фракциядагы чачылган көмүрдү алып келүүгө, сатууга, сактоого жана пайдаланууга тыюу салган токтом кабыл алынды. Жылуулук өндүрүүчү ишканалар үчүн гана исключение жасалды.
Министрлик экологиялык нормалардын сакталуусун көзөмөлдөөнү күчөттү — өлкө боюнча автотранспорттун жана ишканалардын чыгарган газдарын текшерүү үчүн рейддер өткөрүлүүдө. 2025-жылы нормаларды ашыкча бузгандыгы үчүн 202 протокол түзүлүп, айдоочулар үчүн жалпы 3,7 миллион сомго айып пул салынды, ал эми ишкердик субъекттери үчүн 450 протокол 9,87 миллион сомго айып пул менен түзүлдү. Мындан тышкары, 3 миң 795 уюм экологиялык стандарттарды сактоо керектиги тууралуу билдирүүлөрдү алышты.
Мындан тышкары, Табигый ресурстар министрлиги Бишкектин экологиялык каркасын түзүүгө активдүү катышууда, бул экологиялык абалды жакшыртууга жана жергиликтүү тургундардын жашоо сапатын жогорулатууга жардам берет.
