.
Жаңы нормаларга ылайык, жеке мектептер чындап эле муктаждык бар аймактарда гана ачыла алат. Ачуу үчүн лицензиялар үч сменалуу мектептерди, авариялык абалдагы мекемелерди алмаштыруу же мамлекеттик мектептердин жетишсиздиги байкалган региондордо гана берилет.
Мындан тышкары, жаңы мыйзамдардын алкагында жеке мектептердин негиздөөчүлөрүнө болгон талаптар кыйла күчөтүлөт. "Алар билим берүү процессинин сапатына, мугалимдердин квалификациясына жана окуучулардын коопсуздугуна жооп беришет. Ошондой эле, келечекте мектеп директорлорун дайындоо тартибин кайра карап чыгуу пландалууда. Эми чечимдер тармактык министрлик жана жергиликтүү бийлик органдары менен макулдашылып кабыл алынат, жөн гана негиздөөчүлөрдүн каалоосуна жараша эмес", - деп түшүндүрүштү министрликтен.
Ведомствонун маалыматына ылайык, 2026-жылдын январь айында өлкөдө 890 лицензияланган жеке мектеп иштеп жатат. Өкмөт ошондой эле жакында ачылган жеке билим берүү мекемелеринде мамлекеттик заказдарды жайгаштырууга мораторий киргизүүнү пландап жатат.
