Дастан Бекешев мындай өзгөрүүлөр аз камсыз болгон калкка терс таасирин тийгизет деп билдирди
Депутат Дастан Бекешев Кыргызстанда юридикалык кызматтардын кымбатташы мүмкүн экендиги тууралуу эскертти. Ал бул маалыматты өзүнүн телеграм-каналында бөлүштү.
Анын айтымында, мыйзам чыгаруу жыйынында жаңы демилге талкууланууда.
««Юридикалык өкүл» түшүнүгүн киргизүү пландалууда. Бул сотто сизди: өзүңүз, жакын тууганыңыз, адвокат же юридикалык өкүл көрсөтө алат дегенди билдирет. Бирок мыйзамдарды түшүнгөн жөнөкөй жаран өкүл катары чыгышы мүмкүн эмес, анткени бул функцияны жогорку юридикалык билимге, үч жылдык тажрыйбага ээ жана адвокатурада катталган адам гана аткарат. Натыйжада юридикалык кызматтардын баасы өсөт, бул өзгөчө кедей жана социалдык жактан коргоосуз топторго таасир этет, ал эми бай адамдар бул өзгөрүүлөрдү сезбеши мүмкүн», — деди Дастан Бекешев.
Ал ошондой эле бул өзгөрүүлөр юристтерге таасир этерин, алардын ишмердүүлүгүнө көзөмөлдүн күчөй турганын жана мүчөлүк акы төлөө талап кылынарын кошумчалады.
Сүрөт www
