Шаяхметовдун маалыматына ылайык, бул система чакыруу келген учурдан баштап пациенттин толук коштоосун камсыздайт. Ар бир кайрылуу маалымат базасына катталып, анын аткарылышына чейин көзөмөлдөнөт. Мындан тышкары, пациенттер жеке кабинеттен пайдаланып, өз кайрылууларынын тарыхы менен таанышууга мүмкүнчүлүк алышат.
Кызыктуусу, эгер тез жардам бригада чакыруу болгон жерге 500 метр аралыкка жакындаса, система бул окуяны автоматтык түрдө каттап, пациентке билдирүү жиберет.
«Бардык чакыруулар катталып, системада сакталат. Эгер арызды аткарууга мүмкүн болбосо, ал суткалык отчетто жабыла албайт. Ошентип, автоматташтыруу медициналык бригадалардын ишин көзөмөлдөөгө жардам берет жана кызматта ачыктык деңгээлин жогорулатат», - деп кошумчалады башкы дарыгер.
