Изилдөөнүн авторлору ар кандай өлкөлөрдө бир булактан каражат тартууга чектөөлөр бар экенин белгилешет, бул финансылык туруктуулукту сактоого жана мамлекеттик карыздын деңгээлин көзөмөлдөөгө жардам берет.
Ошол эле учурда, инфраструктуралык долбоорду ишке ашыруу бүтүндөй мамлекеттин экономикалык көлөмүнө барабар инвестицияларды талап кылышы мүмкүн.
«Мисалы, Кыргызстандагы темир жолдун бөлүгүн куруунун баасы $4,7 млрд түзөт, бул 2023-жылга карата Кыргыз Республикасындагы жалпы ички продуктунун болжол менен үчтөн бирине барабар», - деп айтылат отчетто.
«Көп тараптуу өнүктүрүү банктарынын кызматташтыгы мындай масштабдагы инфраструктуралык долбоорлорду каржылоонун эффективдүү чечими болушу мүмкүн», - деп эсептешет ЕАБРдин адистери.
Кошумча маалымат:
Кытай—Кыргызстан—Өзбекстан темир жол долбоорун ишке ашыруу үчүн кредиттик келишим «Кытай—Кыргызстан—Өзбекстан темир жол компаниясы» (Биргелешкен долбоордук компания) менен Кытайдан келген банктар тобу, анын ичинде Мамлекеттик өнүктүрүү банкы жана Эксимбанк арасында кол коюлду.
Долбоордун жалпы баасы $4,7 млрд. Түштүк Кытайдан $2,3 млрд 35 жылдык мөөнөт менен Биргелешкен долбоордук компанияга кредит түрүндө бөлүнөт.
Бул кредитти төлөө түздөн-түз Биргелешкен долбоордук компания тарабынан жүргүзүлөт. Калган $2,3 млрд үч мамлекет тарабынан Биргелешкен долбоордук компаниянын уставдык капиталына төмөнкү пайыздык катышта инвестицияланат: Кытай – 51%, Кыргызстан жана Өзбекстан – ар бири 24,5%.
