Визит учурунда аталган көчөдө бир нече коммерциялык объекттер муниципалдык жер участкасында мыйзамсыз курулгандыгы аныкталды. Алардын арасында «American Pizza» кафеси жайгашкан имараттын бир бөлүгү бар. Муниципалитеттин маалыматы боюнча, имараттын ээси Ош шаарынын мурдагы вице-мэри Жасур Азимов.
Профильдик кызматтарга мыйзам боюнча бузулуштар менен курулган объекттерди демонтаждоо иштерин баштоону тапшырылды. «Американ пицца деп айтышат, бирок чындыгында — жөнөкөй пицца. Бул белгилүү Жасур Азимов. Жолду бошотсун, алып салыңыз», - деди мэр.
Мунун артынан муниципалитеттин башчысы кафеге кирип, администратор менен сүйлөштү. Ошондой эле мэр кафенин ижарачысы Кылычбек менен да сүйлөштү. «Имараттын ээси менен байланышып, үч күндүн ичинде жолго чыккан бөлүктү алып салуусу керек экенин билдирип коюңуз. Эгер алып салбаса — жарыкты жана сууну өчүрөбүз. Бул вице-мэр Жасур Азимовдун имараты. Бошоткула», - деди мэр Женишбек Токторбаев.
Мындан тышкары, А.Шакирова көчөсүндө жайгашкан соода борбору жана «Нурзаман» курулуш компаниясына таандык участоктордогу коммерциялык объекттердин мыйзамдуулугун текшерүү тапшырылды.
Ошондой эле, аталган көчөдө жайгашкан спорттук объект жана ресторанды бошотууга тийиш болгон аймактарды так аныктап, белгилөө тапшырылды.
_________
Азимов Жасур Махмудович 2018-жылдын 17-октябрына чейин Ош шаарынын вице-мэри болуп иштеген. Азимов курулуш жана муниципалдык менчик тармактарын көзөмөлдөп келген.
2023-жылдын апрелинин башында ал өз каалоосу менен кызматтан кетүү тууралуу арыз жазганы маалым болду.
Жасур Азимов
// Turmush архивинен
2024-жылдын июлунда ГКНБнын басма сөз кызматы билдиргендей, Ош шаарынын мурдагы вице-мэри Жасур Азимов кармалган.
Криминалдык иш КРнын Жазык кодексинин 337-беренесинин 3-бөлүмү («Кызматтык абалынан кыянаттык менен пайдалануу, натыйжада оор зыян келтирүү») боюнча козголгон.
