Кыргызстанда тартипти коргоо үчүн жаңы ыкма киргизилди — электрондук браслеттерди жана мобилдик көзөмөлдү колдонуу. Бул тууралуу юстиция министри Аяз Баетов билдирди.
Маалыматка ылайык, Бишкектин Октябрь районунда башталган пилоттук долбоордо, үй-бүлөлүк мамилелерде агрессор катары таанылган биринчи 15 адам электрондук көзөмөлгө алынды. Алар үчүн 20 күндөн үч айга чейин мөөнөт менен чектөөлөр киргизилди, GPS байкоо жана жүздү идентификациялоо (Face ID) милдеттүү.
Юстиция министрлигинен билдиришкендей, кийинки жумада электрондук мониторинг биринчи убактылуу коргоо ордерлери үчүн колдонулуп башталат, ал эми келечекте бул практиканы борбордун бардык райондоруна жана өлкө боюнча кеңейтүү пландалууда.
Бул долбоор ар кандай мамлекеттик органдардын, анын ичинде юстиция министрлиги, Ички иштер министрлиги, Башкы прокуратура, Жогорку сот жана Пробация департаментинин кызматташтыгынын натыйжасында мүмкүн болду.
Эскерте кетсек, электрондук мониторингди колдонуу менен коргоо ордерлерин күчөтүү тууралуу мыйзам 2025-жылдын октябрында Кыргызстандын президенти тарабынан кол коюлган.
