Мыйзам долбоорунун шарттарына ылайык, мамлекеттик органдар жарандардын кайрылууларына жооп берүү үчүн белгиленген мөөнөттү 14 жумушчу күндөн 10 жумушчу күнгө кыскартуу пландалууда.
Нардеп калктын мамлекеттик органдарга болгон арыздарынын саны жыл сайын өсүп жатканын белгиледи.
«Мурда кайрылууларды карап чыгуу мөөнөтү бир айды түзгөн, андан кийин 14 күнгө кыскартылган, эми болсо 10 күнгө дагы кыскартуу сунушталууда. Цифрландыруу боюнча прогресске карабастан, мамлекеттик органдарга сапаттуу жооп даярдоо же кошумча текшерүү жүргүзүү үчүн убакыт керек. Эгер мыйзам кабыл алынса, бул шашылыш жоопторго жана тиешелүү текшерүүсүз формалдуу жоопторго алып келиши мүмкүн», — деп белгиледи ал.
Гуля Кожокулова ошондой эле Генералдык прокуратуранын аталган мыйзам долбоору боюнча пикирине кызыкты. Генералдык прокурордун орун басары Залкарбек Акназаров бул документке терс корутунду берилгенин билдирди.
