Анын айтымында, кышкы мезгил чычкандарды кармоо үчүн эң кыйын убакыт болуп эсептелет, ошондуктан бул мезгилде алардын баасы жогорулайт.
«Азыр Ош шаарында 1-курсумда окуп жатам. Чычкандарды өзүм менен алып жүрөм жана жанымда кармайм. Эжем да аларды өзүнчө кармап жатат. Көп адамдар кышында чычкандарды сатпайт, анткени аларды кармоо кыйын. Бул мезгилде бир чычкан 450–500 сомго чейин жетет. Ал эми жаз, жай жана күз мезгилдеринде алар арзан, анткени чычкандар тез өсүп, активдүү көбөйүшөт», - деди Акматжанов.
Анын айтымында, алар эжеси менен чычкан кармап жаткан чычкандар сириялык түргө кирет.
«Алар салыштырмалуу чоң, узундугу орто эсеп менен 15–18 сантиметрге жетет. Сириялык чычкандар жалгыз жашоону жактырышат. Башка түрлөргө салыштырганда, алар адамга тез көнүп, тынч мүнөзгө ээ. Алар 3–5 жыл жашашат. Үй шартында жакшы камкордук менен 4–5 жыл жашай алышат, ал эми эгер короодо кармалса, болгону 2–3 жыл жашашат. Чычкан балдар үчүн жакшы дос боло алат, анткени алар жалгыздыкты унуттурат жана балдар менен оңой тил табышат.
Чычкандарды үйдө кармоо оңой жана ит же мышыкка салыштырганда, алар азыраак чыгым талап кылат. Ар түрдүү кооз түстөргө карабастан, баасы түстөн көз каранды эмес. Негизинен алар атайын дан, арпа жана буудайдан жасалган тамак менен азыктанат. Ошондой эле аз-аздан жашылча - сабиз жана помидор берсе болот», - деди Исхак.
Маалымат
Сириялык же Алтын чычкан - чычкан тукумуна кирген жаныбар, Сириянын Алеппо шаарында жана Түркиянын чыгышында жашайт. Ал популярдуу үй жаныбары болуп саналат. Алар алтын, ак, кара, күмүш же күрөң түстөгү жумшак, жука жүн менен капталган. Алардын узундугу 13-15 сантиметр, анын ичинен 1,5 сантиметри хвостко таандык. Салмагы - 100–300 граммга чейин. Түнкү жашоо образын карманат. Сириялык чычкандар абдан активдүү жана жакшы жаныбарлар, ээлеринин колунун жылуулугунан ырахат алып, агрессия көрсөтпөйт. Бул жаныбарлар дээрлик тиштебейт.
