Кыргызстандын борбору Бишкекте жаңы «акылдуу» прожекторлорду орнотуу башталды. Бул тууралуу шаардык мэриянын өкүлдөрү маалымат беришти.
Маалыматка караганда, жаңы жабдыктар Бишкек Парк соода-ойноо борборунун жанында орнотулууда. Прожекторлор архитектуралык жарыктандыруу, жогорку энергия натыйжалуулугу жана санарип инфраструктурага интеграциялоо функцияларына ээ, бул «Project Vision Al» компаниясынын демөөрчүлүгү аркылуу мүмкүн болду.
Учурда көчө жарыктандыруу үчүн сегиз опора жана сегиз прожектор орнотулду. Бул заманбап жарыктандыруу чечимдери ар кандай кызматтар менен толукталууга мүмкүн жана күн панелдери, жел генераторлору жана борборлоштурулган электр тармактарынан иштөө мүмкүнчүлүгүн камсыздайт, бул алардын автономдулугун жана натыйжалуулугун кепилдейт.
МП «Санариптик технологиялар борбору» адистери Wi-Fi туташтырууну жана жасалма интеллект элементтерин колдонгон видеокөзөмөл камераларын орнотууну ишке ашырууда. Бул системалар «Коопсуз шаар» долбооруна интеграцияланат. Мындан тышкары, электр унааларын заряддоо мүмкүнчүлүгү каралган.
Долбоор Бишкек мэриясынын Первомай райондук администрациясынын колдоосу менен ишке ашырылууда, ал эми орнотуу иштерин МП «Бишкексвет» кызматкерлери жүргүзүүдө.
