Министрлик алдын ала төлөмдөр жок экенин жана эч ким Америка Кошмо Штаттарына виза алуу мүмкүнчүлүгүн кепилдей албай турганын баса белгилейт. Виза үчүн төлөм интервьюдан кийин, Бишкектеги элчилик тарабынан берилген расмий шилтеме аркылуу гана жүргүзүлүшү керек.
Расмий түшүндүрмөлөргө ылайык, туристтик же бизнес визасына (B1/B2 категориясы) арыз берүү үчүн алгач Америка Кошмо Штаттарынын консулдук кызматкери менен интервьюдан өтүү керек. Эгер оң чечим кабыл алынса, арыз берүүчү I-352 формасын толтуруп, финансылык кепилдикти расмий онлайн платформа Pay.gov аркылуу берүү боюнча макулдугун билдириши керек", — деп айтылат министрликтин билдирүүсүндө.
Мындан тышкары, министрликте кепилдик төлөмүнүн өлчөмү интервьюдан кийин консулдук кызматкер тарабынан белгиленерин жана $5 миңден $15 миңге чейин өзгөрүшү мүмкүн экенин такташты. Эскерте кетсек, эгер иммиграциялык статус өзгөрсө же Америка Кошмо Штаттарында болуу мөөнөтү ашып кетсе, кепилдик кайтарылбайт.
