ДСУнун маалыматына ылайык, 2021-жылдан 2024-жылга чейин Дания бардык керектүү критерийлерге жеткен, анын ичинде инфекциялардын төмөн деңгээли жана кош бойлуу аялдарды тестирлөө жана дарылоо боюнча жогорку камтуусу.
ДСУнун башкы директору Тедрос Адханом Гебрейесус: «Бул жетишкендик чечкиндүү саясий колдоо жана баштапкы саламаттыкты сактоо кызматтарына жана энелер менен балдардын саламаттыгын коргоо боюнча комплекс кызматтарына үзгүлтүксүз инвестициялар өлкөлөргө ар бир кош бойлуу аялды жана жаңы төрөлгөн баланы бул инфекциялардан коргоого мүмкүндүк берерин көрсөтөт», - деп белгиледи.
Даниянын ВИЧ жана сифилистин энеден балага өткөрүлүшүн жоюудагы ийгилиги өлкөдө 95% дан кем эмес кош бойлуу аялдар тестирленип, дарыланарын билдирет, ал эми жаңы инфекция учурлары жыл сайын 100 миң төрөлгөнгө 50дөн азды түзөт.
ДСУ ошондой эле ВИЧ жана сифилистин өткөрүлүшүн жоюу медициналык адистердин көп жылдык эмгегинин жана саламаттыкты сактоо системасын өнүктүрүүнүн натыйжасы экенин баса белгилейт. Маалыматтарды жыйноо системасын жана лабораториялык мүмкүнчүлүктөрдү күчөтүү маанилүү роль ойноду.
Дания эми ВИЧ, сифилис же гепатит Внин энеден балдарга өткөрүлүшүн жоюуга жетишкен 20 өлкө жана аймактын катарына кошулду, же ДСУдан ушул багытта прогрессин тастыктаган сертификаттарды алган. Алардын арасында Армения, Беларусь жана Молдова бар.
2025-жылдын ноябрь айындагы акыркы маалыматтар боюнча, Кыргызстанда 15 миңден ашык ВИЧ-инфекциясы катталган. Ар ай сайын өлкөдө 80ден ашык жаңы учурлар аныкталууда.
Адистер республикада ВИЧтин негизги өткөрүү жолу жыныстык байланыш болуп калганын — 62,7% учурларды түзөөрүн белгилешет. Парентеральдык өткөрүү жолу 30%ды, ал эми вертикалдык (энеден балага) болгону 2,3%ды түзөт, бул учурда 5% учурдун себептери аныкталган эмес.
