Ал мал ээлери жана ветеринардык дарыгерлер малды сатканда кайра каттоону камсыз кылышы керектигин баса белгиледи. Идентификациялык номерди кулак биргесинен текшерүү учурунда, малдын ээси башка райондо катталгандыгы көп учурда аныкталат, анткени ал мурда сатылып кеткен, бирок маалымат жаңыртылган эмес.
«Жумушчу топтун жыйынында облус боюнча жол кырсыктарынын негизги бөлүгү Бишкек—Ош авто жолунда болуп жаткандыгы белгиленди. Биздин маалыматтар боюнча, Токтогул районунда катталган жол кырсыктарынын 80% обгон менен, 20% күтүүсүз малдын жолго чыгышы менен байланыштуу. Бирок 60–70% учурларда мындай жол кырсыктарында малдын ээси аныкталбай калат, анткени бирген номер башка райондо башка ээсине таандык. Ошондуктан, мал ээлери малды сатканда ветеринарлардан эсептен чыгаруу керек, ал эми мал фактически кармалып турган жерде кайрадан базага катталууга тийиш. Бул үчүн ветеринардык кызмат калк арасында түшүндүрүү иштерин жүргүзүшү керек», - деп баса белгиледи аким.
Мурда 2025-жылы Жалал-Абад облусунда 739 жол кырсыгы катталгандыгы маалымдалган.
Кыргызстанда малдарды белгилөө системасы жана уникалдуу идентификациялык номерлерди берүү мыйзамдык деңгээлде 2010-жылдардын башында киргизилген. Айрыкча, 2014-жылы Жогорку Кеңеш «Малдарды идентификациялоо жөнүндө» мыйзамды кабыл алган, ал ошондой эле анын аткарылышынын эрежелерин аныктаган. Бул мыйзам төмөнкүлөрдү камтыйт:
— малдарды белгилөө (кулак биргеси, чип);
— бирдиктүү мамлекеттик реестрге каттоо;
— ар бир малга уникалдуу идентификациялык номер берүү.
