Өткөн жумада Бишкекте «Притон» аттуу оперативдик иш-чара өттү, анын максаты притондордун жана интимдик кызмат көрсөтүүлөрдүн ишмердүүлүгүн аныктоо жана токтотуу болду. Бул тууралуу шаардык Ички иштер башкармалыгы билдирди.
Рейддердин натыйжасында интимдик кызмат көрсөтүү менен алектенген 70тен ашык адам кармалып, ички иштер органдарына жеткирилди. Кармалгандар менен профилактикалык сүйлөшүүлөр жана түшүндүрүү иштерин өткөрүштү.
Рейддин жыйынтыгы боюнча 109²-беренеси «Проституция менен алектенүү» боюнча 30дан ашык административдик протокол түзүлдү. Ар бир укук бузуучуга 20 000 сом өлчөмүндө айып пул салынды, бул жалпы 600 000 сомго жакын суммага жетти.
Пландаштырылган иш-чараларды ишке ашыруу боюнча иштер улантылып жатканын белгилеп өтүү керек.
Бишкек шаардык Ички иштер башкармалыгы шаардыктарды жана борбордун конокторун Кыргыз Республикасынын мыйзамдарын сактоого, мыйзамсыз ишмердүүлүккө тартылбоого жана укук бузуулар тууралуу укук коргоо органдарына билдирүүгө чакырат. Укук тартибин камсыз кылуу жана коомдун коопсуздугу укук коргоо структураларынын негизги приоритеттери болуп саналат.
