Жыйында спорттук сезондун жыйынтыктары чыгарылып, техникалык спорт түрлөрүндөгү спортчулардын жетишкендиктери белгиленди. Эндуро, джимхана жана башка авто-мотоспорт дисциплиналарында ар кандай жаштык категорияларда мыкты жарышчылар кубок, диплом жана эстелик сыйлыктар менен сыйланды.
Кыргыз Республикасынын спорт федерацияларынын Союзу улуттук федерацияларды бириктирүү жана өлкөдөгү спортту өнүктүрүүнү координациялоодо маанилүү роль ойнойт. Союздун президенти, Аскар Салымбеков, спорт коомдук биримдикти бекемдөөгө жана жаштарда баалуулуктарды калыптандырууга жардам берерин белгиледи. Ал спортчулардын жетишкендиктери элди сыймыктантып, жаш муунду жогорку натыйжаларга жетүүгө шыктандырарын айтты.
Союздун башкы катчысы, Кувватбек Аскарбеков, техникалык спорт түрлөрүн өнүктүрүү үчүн системалуу колдоо көрсөтүүнүн, заманбап инфраструктураны түзүүнүн жана федерациялар ортосунда активдүү өз ара аракеттенүүнүн зарылдыгына көңүл бурду. Ал ошондой эле спортчулардын жетишкендиктерин таануу жана аларга өсүү үчүн ыңгайлуу шарттарды камсыз кылуу авто-мотоспортту жаштар арасында популярлаштыруу үчүн маанилүү экенин кошумчалады.
Иш-чаранын алкагында чоңдор жана жаш спортчылар үчүн жарыш прототиптери, ошондой эле жарыш симуляторлору көрсөтүлдү, анда каалагандар жарышчынын ролун сынап, спорттук унааны башкарууну сезе алышты.
Жыйында техникалык спорт түрлөрүн өнүктүрүү, жаштарды тартуу пландары жана кийинки сезон үчүн республикалык мелдештердин календарын түзүү талкууланды. Федерациялар ортосундагы кызматташтыкты бекемдөө авто-мотоспорттун өсүшүнө жана кыргызстандык спортчулардын эл аралык аренада атаандаштыкка жөндөмдүүлүгүн жогорулатууга жардам берет деп белгиленди.
Иш-чара жылуу жана ишкердик атмосферада өтүп, сезондун жыйынтыктарын чыгаруу, тажрыйба алмашуу жана өлкөдөгү спорттук кызматташтыкты бекемдөө үчүн мыкты платформа болду.
Мындан тышкары, Бишкекте Sport Shamy 2025 сыйлыгын тапшыруу боюнча биринчи салтанат өтүп, анда Кыргызстандын мыкты спорт журналисттери аталды. Беш номинация боюнча жеңүүчүлөр акчалай сыйлыктарды алышты, ал эми конкурс өлкөдөгү спорт журналистикасын колдоо жана өнүктүрүүгө багытталган.
