Кыргызстандын борбору Бишкекте «21-кылымдын ABAсы: жашоо көндүмдөрү, индивидуалдуулук, баалуулуктар» аталышындагы эл аралык практикалык конференция өтүп жатат. Иш-чара аутисттик спектрдин бузулуулары (АСБ) маселелерине, актуалдуу коррекция методдоруна, үй-бүлөлөрдү колдоого жана инклюзивдүү коомду өнүктүрүүгө арналган.
«Ананай» балдардын жүрүм-турумун өнүктүрүү жана коррекциялоо борборунун жетекчиси Назик Чекирова, балдардын аутизм менен эрте диагноздолгон учурларынын өсүшү байкалганын, бирок ата-энелердин маалымдуулук деңгээли өтө төмөн экенин белгиледи.
Уюштуруучунун айтымында, Кыргызстанда эрте диагноздоо системасы жана заманбап коррекция методдору дагы жетиштүү өнүкпөгөн.
Чекирова, аутизм менен ооруган балдарга жардам берүүдө эң жакшы натыйжаларга жетишүү үчүн коррекцияны мүмкүн болушунча эрте — үч жашка чейин жана андан ары баштоо маанилүү экенин баса белгиледи. Бул балдардын нормотиптик коомго адаптацияланышына мүмкүнчүлүктөрдү кыйла жогорулатат.
Конференциянын максаты — адистердин жана ата-энелердин билимдерин кеңейтүү, аларды заманбап методдор менен тааныштыруу жана эл аралык тажрыйба менен бөлүшүү. Конференциядагы ар бир доклад практикалык мисалдар менен коштолот.
Мындан тышкары, Чекирова иш-чаранын алкагында өзгөчө муктаждыктары бар балдарды тарбиялаган ата-энелердин эмоционалдык абалы жана күйүп кетүүсүн талкуулоо пландалганын кошумчалады, анткени бул процесс чоң ресурстарды талап кылат.
