Эрлан Абдылдаев Жергетал районунда этникалык кыргыздардын саны эң көп экенин, болжол менен 20 миң адамды түзөрүн айтты. Мургабда 11 миңдей, Согдий облусунда 3 миңдей, Душанбе шаарында 500, жана Хатонда да 500 адам жашайт.
Ошондой эле элчи 2022-жылы Тажикстанда «Кыргыз коому» бирикмесинин иши токтотулганын жана учурда анын калыбына келтирүү боюнча аракеттер жүрүп жатканын белгиледи. «Тажикстандын премьер-министри Кыргызстандан келгенде, биз бул маселени көтөрдүк. Ал аны чечүүгө убада берди», — деп кошумчалады Абдылдаев.
Анын айтымында, Садыр Жапаровдун Тажикстанга болгон сапары учурунда этникалык кыргыздар үчүн эки мектеп куруу боюнча демилге сунушталган, анткени алар билим берүү мекемелерине муктаж.
Мындан тышкары, ал эки өлкөнүн билим берүү министрликтери этникалык кыргыздар үчүн кыргыз тилиндеги окуу материалдарын өткөрүп берүү маселеси боюнча иш алып барууда экенин билдирди.
Сүрөт www
