Анын айтымында, өлкөнүн экономикасы туруктуу өсүү темптерин көрсөтүүдө, бирок баалардын көтөрүлүшү боюнча талкуулар уланууда. «Бюджет 3,5 эсе өстү, экономикабыздын өсүү темпи 10–11 пайызды түзөт», — деп кошумчалады Байсалов.
Ал президент кырдаалды жакындан байкап жатканын, өкмөттүн экономикалык блогу жума сайын мониторинг жүргүзүп, кырдаалды жакшыртуу үчүн чараларды кабыл алып жатканын белгиледи.
Байсалов баалардын көтөрүлүшүн глобалдык көрүнүш катары мүнөздөп, пандемия учурунда ал көбүрөөк байкалганын жана геополитикалык чектөөлөр менен курчутулганын айтты. «Биздин экономикабыз туруктуу деңгээлде турат. Сом беш жылдан бери өз баасын сактап келет, бирок дүйнөлүк рыноктордун таасири басым көрсөтүүдө», — деди ал.
Орун басар мурдагы өнүгүү темпине салыштырмалуу маалыматтарды сунуштады: эгер мурдагы темп сакталса, 2025-жылы орточо айлык акы 23 миң сомду, орточо пенсия 7 миң сомду түзмөк. Учурда орточо пенсия 11 миң 238 сомго жетип, анын айтымында, эч бир пенсионер 8 миң сомдон азыраак албайт.
Ал ошондой эле, эгер өкмөт мурдагыдай иш алып барган болсо, кедейчилик деңгели калктын 50%ына жетиши мүмкүн экенин белгиледи. Ошондуктан азыр өндүрүштү колдоо, жумуш орундарын түзүү, экспорттук потенциалды жогорулатуу жана социалдык жардамды жакшыртууга басым жасалууда.
Байсалов Кыргызстан туруктуу өнүгүү жолунда ишенимдүү жылып жатканын баса белгиледи. «Учурдагы темптерди сактоо маанилүү. Биз оптимизмди жоготпошубуз керек. Элдин биримдиги жана бийлик менен жарандар ортосундагы ишеним приоритет болуп саналат, ал эми калган маселелерди чечүүгө болот», — деп жыйынтыктады ал.
