Жороев онкологиялык борборлордун дарыгерлери көп учурда пациенттерге диагноздорун дароо билдирерин, бул болсо шок абалына алып келип, адамдарды өз көйгөйлөрү менен жалгыз калтырып жатканын баса белгиледи. Ал психологдордун жардамын алуу пациенттердин эмоционалдык абалын кыйла жеңилдетүүгө жардам берерин эсептейт.
Саламаттыкты сактоо министри Каныбек Досмамбетов депутаттын демилгесин колдой турганын жана онкологиялык мекемелерди психологдор менен камсыз кылуу мүмкүнчүлүгүн талкуулоого даяр экенин билдирди.
Мындан тышкары, депутат Жороев ДЦП жана аутизм диагноздору бар балдар үчүн аймактарда реабилитациялык борборлорду түзүүнү сунуштады. Ал алыстагы айылдардын тургундары көп учурда балдарын дарылоо үчүн ижарага үй алуу максатында узак мөөнөткө чоң шаарларга көчүүгө мажбур болорун эске салды. «Мындай борборлор аймактарда да пайда болушу керек», - деди ал.
Бул боюнча саламаттыкты сактоо министри реабилитациялык борборлор ДЦП диагнозу бар балдар үчүн Бишкек жана Ошто, ошондой эле бир нече райондо иштеп жатканын, бирок квалификациялуу адистердин жетишпей жатканын билдирди. Ал ошондой эле 1-апрелден баштап медициналык кызматкерлердин эмгек акысы көтөрүлөрүн, бул болсо бул тармактагы абалды жакшыртууга жардам берерине токтолду.
Премьер-министрдин биринчи орун басары Данияр Амангельдиев премьер-министр мурда Саламаттыкты сактоо министрлигине, Каржы министрлигине жана Эмгек министрлигине реабилитациялык борборлорду куруу боюнча тапшырма бергенин кошумчалады.
