Анын айтымында, көбүнчө жер келишимдери бир жылга кол коюлат, бирок зарылчылык болсо үч жылга чейин узартуу мүмкүн.
«Комиссия адатта участокту бир жылга берет, анткени жабдууларды орнотуу боюнча абал белгисиз бойдон калууда. Зарылчылык болсо, келишимдин мөөнөтүн үч жылга чейин узартууга болот», - деп тактады Исмаилов.
Мындан тышкары, ал ишкерлер заряддоо станцияларынын абалы үчүн жоопкерчилик тартарын кошумчалады: «Өз объектилеринин абалы үчүн жоопкерчилик өзү ишкерлердин мойнунда. Жерди пайдаланууну көзөмөлдөө башкармалыгы тарабынан жерди пайдалануу боюнча тышкы көзөмөл жүргүзүлөт. Эгер мыйзам бузуу аныкталса, билдирүү берилет жана укук бузуулар протоколу түзүлөт».
Исмаилов ошондой эле заряддоо станцияларынын ээлери жапсарлаш аймакты көрктөндүрүүгө жана токтоп туруучу жерлерди белгилөө үчүн тиешелүү белгилерди орнотууга милдеттүү экенин белгиледи.
