Талкуунун негизги темалары англис укугун өнүктүрүү жана СФИТ «Тамчы» алкагында Талаштарды чечүүнүн Эл аралык борборун түзүү боюнча демилге болду.
Жыйынга юстиция министри Аяз Баетов жана Кыргызстандагы Улуу Британиянын Өзгөчө жана Ыйгарым укуктуу элчиси Ник Боулер катышып, Талаштарды чечүүнүн Эл аралык борборун (International Dispute Resolution Centre – IDRC) атайын аймакта түзүү боюнча көңүл бурулду.
Бул борбор англис укугунун принциптерине негизделип, коммерциялык талаштарды чечүүнүн эл аралык стандарттарына жооп берет деп пландалууда.
Иш-чарада төмөнкү эл аралык уюмдардын өкүлдөрү да катышты:
- Европа реконструкциялоо жана өнүктүрүү банкы (ЕБРР);
- Азия өнүктүрүү банкы (АБР);
- Дүйнөлүк банк;
- Эл аралык бизнес кеңеши (МДС);
Мындан тышкары, консультацияларга Европа Биримдигинин, АКШнын элчилигинин жана башка бир катар өлкөлөрдүн дипломаттары катышты.
Жыйындын катышуучулары ички жана чет элдик инвесторлордун ишенимин жогорулатуу, ошондой эле алардын укуктарын коргоо механизмдерин күчөтүү маанилүү экенин белгилешти.
Эл аралык финансылык уюмдардын өкүлдөрү «Тамчы» шаарында IDRC түзүү инвестициялык жана коммерциялык долбоорлордун катышуучуларына кошумча кепилдиктерди берүү жана соттук-арбитраждык практикада болжолдуулукту жогорулатууга көмөктөшүүчү маанилүү кадам болоорун баса белгилешти.
