Ал белгилегендей, бул тенденциянын өсүшү 2021-жылы башталган.
2025-жылдын 1-январына карата статистика боюнча, өлкөдө психиатриялык оорулары бар 50 миңден ашык адам катталган. Ар жылы диагноз биринчи жолу 3төн 4,5 миңге чейин жаранга коюлат. Нургуль Ибраева менталдык ден соолук маселеси Кыргызстан үчүн гана эмес, бүтүндөй дүйнө үчүн актуалдуу экенин баса белгилеп, кант диабети, жүрөк жана өпкө оорулары сыяктуу оорулар менен катар психикалык оорулар инфекциялык эмес ооруларга кирерин кошумчалады.
2025-жылдын сентябрында мурдагы саламаттык сактоо министри Эркин Чечейбаев Кыргызстан калкынын 11% жакын психикалык оорулардан, анын ичинде тынчсыздануу абалдары, депрессия жана өзүн-өзү өлтүрүү коркунучтары, ошондой эле алкоголго, тамекиге жана психоактивдүү заттарга көз карандылык менен жабыркаганын билдирди.
Бул кырдаалга байланыштуу өлкөдө психикалык ден соолук боюнча биринчи жолу улуттук стратегия иштелип чыгууда. Баштапкы медициналык жардам алкагында үй-бүлөлүк врачтар, психиатрлар, психологдор жана патронаждык медсестралардан турган көп тармактуу командалар түзүлүүдө.
