Камчыбек Ташиев: «Биз университеттеги өзгөрүүлөрдү байкап жатабыз. Инфраструктураны кеңейтүү боюнча чоң модернизация жүрүп жатат, экономика талаптарына ылайык жаңы билим берүү программалары иштелип чыгууда, студенттер, окутуучулар жана изилдөөчүлөр үчүн жаңы мүмкүнчүлүктөр түзүлүүдө. Бул динамика КРСУнун эки өлкө үчүн да маанилүү стратегикалык долбоор болуп кала берерин көрсөтүп турат. Биргелешкен аракеттер билим берүүгө гана эмес, биздин мамлекеттердин келечегине да чоң салым кошот», — деди.
Жыйында 2025-жылдагы ишмердүүлүктүн жыйынтыктары чыгарылып, 2026-жылга милдеттер белгиленди. КРСУнун ректору Сергей Волков билим берүү, илим жана инфраструктура боюнча ар кандай тармактардагы ишмердүүлүгү тууралуу отчетун сунуштады, анын ичинде кампусту өнүктүрүү, жаңы филиалдарды ачуу жана студенттик демилгелерди колдоо пландары.
Ректор: «Попечительдик кеңеш акыркы жети айдагы отчетубузду оң баалады. Бул убакыт аралыгында биз попечителдерден 60 миллион сомдон ашык каражат тарттык, бул үч аттуу аудитория түзүүгө жана компаниялар тарабынан аттуу стипендияларды негиздөөгө, ошондой эле эндаумент-фондду толуктоого мүмкүнчүлүк берди. Атап айтканда, «Бишкек Солар» компаниясы 10 миллион, ал эми «Орион» 5 миллион сом берди. Азыркы учурда эндаумент-фонддун жалпы көлөмү 18,5 миллион сомду түзөт. Бул кичине сумма болсо да, биздин өнүгүшүбүзгө реалдуу колдоо», — деди.
Ал университет спорттук командаларды колдоону күчөтүүнү, аттуу стипендияларды киргизүүнү жана инфраструктураны модернизациялоону, анын ичинде автопаркты жаңылоону пландап жатканын кошумчалады. «Ар бир попечительдик кеңеш мүчөсүнө биздин сунуштарыбыз берилди, азыр биз алардын ишке ашырылышы боюнча иштеп жатабыз. Университет жаңыланып, өнүгүүнү улантууда, биз ушул багытта илгерилеп жатабыз», — деп жыйынтыктады.
КРСУ стратегиялык өнөктөштүгүн кеңейтүүдө, «Росатом» менен кызматташуу боюнча меморандумга кол койду, ал биргелешкен билим берүү жана инженердик долбоорлорду, анын ичинде гидроэнергетика боюнча долбоордук кеңсени түзүүнү камтыйт. Ошондой эле, Россия-Кыргыз Профессионалдык даярдык борборун түзүү үчүн ПАО «Кировский завод» жана атайын окуу борборлору менен келишимдер түзүлгөн.
КРдин Салык кызматы жана «Газпром Кыргызстан» менен кызматташуу боюнча жол карталары бекитилди. Университет ошондой эле студенттердин цифралдык жана ишкердик көндүмдөрүн өнүктүрүү үчүн Wildberries менен меморандумга кол койду.
Кабыл алынган чечимдер КРСУнун билим берүү, илим жана чыныгы экономика секторун интеграциялоого багытталган узак мөөнөттүү өнүгүү моделине өтүшүн чыңдайт, ошондой эле университеттин региондун алдыңкы билим берүү борборлорунун бири катары статусун бекемдейт.
